गण्डकी प्रदेशमा थप २५ जनामा कोरोना पुष्टि, संक्रमितको संख्या ७९२ पुग्यो

गण्डकी प्रदेशमा शुक्रबार बिहान थप २५ जनामा कोरोना संक्रमण पुष्टि भएको छ। योसँगै गण्डकीमा संक्रमितको संख्या सात सय ९२ पुगेको छ।

प्रदेश क्षयरोग केन्द्र पोखरा र भरतपुर अस्पताल, चितवनमा गरिएको परीक्षणमा गण्डकी प्रदेशमा थप २५ जनामा संक्रमण पुष्टि भएको स्वास्थ्य निर्देशनालय पोखराका निर्देशक डा.विनोद विन्दु शर्माले जानकारी दिए।

नयाँ थपिएका संक्रमित तनहुँ, स्याङ्जा, बाग्लुङ र नवलपरासी पूर्वका छन्। आज थप भएका संक्रमितमा दुई महिला छन्।

थप जानकारीको लागि हेर्नुस् प्रेस विज्ञप्ति :

यसैगरी गण्डकी प्रदेशबाट शुक्रबार थप नौ जना कोरोनालाई जितेर घर फर्किएका छन्। कोरोनालाई जित्ने नौ जना सबै गोरखा जिल्लाका छन्। योसँगै गण्डकी प्रदेशमा कोरोना निको हुनेको संख्या एक सय एक पुगेको छ।

गोरखा नगरपालिकाका एक महिला र तीन पुरुष र गण्डकी गाउँपालिकाका पाँच पुरुष कोरोना जितेर घर फर्किएका डा.शर्माले शुक्रबार बिहान जारी गरेको प्रेस विज्ञप्तिमा उल्लेख छ।