युनिकोड
कर्णाली प्रदेशमा आज(शनिबार) थप ७० जनामा कोरोना संक्रमण पुष्टि भएको छ।
कर्णाली प्रदेशको सामाजिक विकास मन्त्रालयका अनुसार आज सुर्खेत जिल्लाका ४० र दैलेख जिल्लाका ३० जना गरी ७० जनामा नयाँ संक्रमण पुष्टि भएको हो।
योसँगै कर्णाली प्रदेशमा मात्रै संक्रमण हुनेको संख्या संख्या ९१६ पुगेको छ।
आज प्रदेशबाट ९ जना निको भइ डिस्चार्ज समेत भएका छन। डिस्चार्ज हुनेमा दैलेख अस्पतालमा ५ जना र दुल्लु अस्पतालमा ४ जना छन। योसँगै प्रदेशमा जम्मा डिस्चार्ज हुनेको संख्या ९१ पुगेको छ।
प्रदेशमा कोभिड-१९ को संक्रमण पुष्टि भएका मध्ये मृत्यु हुनेको संख्या ३ रहेको छ।
आज नयाँ संक्रमण पुष्टि हुनेमा सुर्खेतका ४० जना मध्ये गुर्भाकोटका १२ जना, भेरीगंगाका १० जना, बराहतालका ९ जना, चौकुनेका ८ जना र वीरेन्द्रनगरका १ जना छन्।
यस्तै दैलेखका ३० जनामध्ये आठबीसका २० जना, नौमुलेका ९ जना र डुङ्गेश्वरका १ जना रहेका छन।
सबै ७० जनाको पुष्टि प्रदेश अस्पताल सुर्खेत/पशुपन्छी रोग अन्वेषण प्रयोगशाला सुर्खेतबाट भएको मन्त्रालयले जनाएको छ।
प्रतिक्रिया