भारत जाँदै गरेका ३ बालिकाको वीरगन्जबाट उद्धार, १ युवक समातिए

पर्सा प्रहरीले नेपाल-भारत सीमा क्षेत्रबाट तीन जना बालिकाको उद्धार गरेको छ। 

विभिन्न प्रलोभनमा पारेर भारत लैजान लागिएका तीन जना बालिकाको उद्धार गरिएको जिल्ला प्रहरी कार्यालय पर्साले जनाएको छ। 

वीरगञ्ज महानगरपालिका-१६ भन्सार क्षेत्रबाट शनिबार ती बालिकाको उद्धार गरिएको हो। 

बालिकाहरूलाई ललाइफकाई भारत तर्फ लैजाँदै गरेको आशंकामा प्रहरीले एक युवकलाई पनि पक्राउ गरेको छ। 

घटनाका सम्बन्धमा थप अनुसन्धान जारी रहेको पर्सा प्रहरीले जनाएको छ।