युनिकोड
विभिन्न जिल्लामा पाँचजना मृत अवस्थामा फेला परेका छन्।
ताप्लेजुङ, खोटाङ, तेह्रथुम, ललितपुर र बझाङमा गरेर पाँचजनाको शव फेला परेको हो।
ताप्लेजुङको मैवाखोला गाउँपालिका-४ ताम्राङ बस्ने ६५ वर्षीय चुर्नहाङ लिम्बु मृत फेला परेका प्रहरीले जनाएको छ।
मैवाखोला गाउँपालिका-३ साघु बजारस्थित नालीमा उनको शव फेला परेको हो।
त्यसैगरि खोटाङको दिक्तेल रूपाकोट मझुवागढी नगरपालिका-९ लमाखु बस्ने ४१ वर्षीया चन्द्रा दर्नाल पनि आफ्नै घरमा मृत फेला परेकी छन्।
उनको मृत्युको कारण खुल्न बाँकी रहेको प्रहरीले जनाएको छ।
त्यसैगरि तेह्रथुमको आठराई गाउँपालिका-१ बुकीमा पनि एक जनाको शव फेला परेको छ। आठराईबाट खम्लालुङ जाने कच्चि सडकमा आठराई गाउँपालिका-१ बस्ने ५० वर्षीय चन्द्र बहादुर तामाङ मृत फेला परेका हुन्।
त्यसैगरि ललितपुर महानगरपालिका-१४ शिवचोक बस्दै आएका एक महिला पनि मृत फेला परेकी छन्।
पाँचथर घर भएकी ७५ वर्षीया आश माया लावती ललितपुर महानगरपालिका-२७ सुनाकोठी कृष्ण मन्दिर नजिक झाडीमा मंगलबार मृत अवस्थामा फेला परेकी हुन्।
त्यसैगरि बझाङको खप्तड छान्ना गाउँपालिका-२ निम बस्ने ५५ वर्षीय बम्म थापा पनि मृत भेटिएका छन्।
खप्तड छान्ना गाउँपालिका-२ निमस्थित नहरमा उनको शव फेला परेको प्रहरीले जनाएको छ।
यी सबै घटनाका सम्बन्धमा थप अनुसन्धान जारी रहेको प्रहरीले जनाएको छ।
प्रतिक्रिया