चितवनमा गाडीले अटोरिक्सालाई ठक्कर दिँदा १ को मृत्यु, ४ जना घाइते

चितवनमा भएको सवारी दुर्घटनामा एक जनाको मृत्यु भएको छ भने चार जना घाइते भएका छन्। 

स्थानीय गीतानगरमा आज बिहान अटोरिक्सालाई स्कार्पिओ गाडीले ठक्कर दिँदा भएको दुर्घटना हुँदा एक जनाको मृत्यु र चारजना घाइते भएका जिल्ला प्रहरी कार्यालय चितवनका प्रहरी नायव उपरीक्षक रविन्द्र खनालले जानकारी दिए। 

दुर्घटनामा माडी नगरपालिका–७ का ४४ वर्षीय मीनबहादुर खत्रीको मत्यु भएको हो। 

गम्भीर घाइते उनको उपचारको क्रममा चितवन मेडिकल कलेजमा मृत्यु भएको प्रहरीले जनाएको छ। 

गीतानगरबाट भरतपुरतर्फ आइरहेको अटोरिक्सालाई स्कार्पिओले ठक्कर दिँदा दुर्घटना भएको हो। 

घाइते चारै जनाको सोही अस्पतालमा उपचार भइरहेको प्रहरीले जनाएको छ।