बसले ठक्कर दिँदा स्कुटर चालक युवतीको मृत्यु

काठमाडौँको कागेश्वरी मनोहरा नगरपालिका-६, तिवारीस्थित सडकमा बसले ठक्कर दिँदा स्कुटर चालक युवतीको मृत्यु भएको छ। 

शुक्रबार दिउँसो बा ५ ख २५६२ नम्बरको बसले प्रदेश ३-०२०१३ प ९५४ नम्बरको स्कुटरलाई ठक्कर दिएको थियो। बसको ठक्करबाट स्कुटर चालक कागेश्वरी मनोहरा-४ की २३ वर्षीया आयुषा सिखंडा घाइते भएकी थिइन्। 

दुर्घटनामा गम्भीर घाइते आयुषालाई उपचारका लागि नारायणटारस्थित शंखरापुर अस्पतालमा भर्ना गरिएको थियो। उनको उपचारका क्रममा मृत्यु भएको जिल्ला प्रहरी परिसर, काठमाडौँले जनाएको छ।