युनिकोड
भारतबाट रक्सौल नाका हुँदै आएको पेट्रोलियम पदार्थको ट्यांकरमा लागुऔषध फेला परेको छ।
मकवानपुरको हेटौंडामा चेकजाँचका क्रममा ना ३ ख ६४६६ नं को डिजेल बोकेको ट्यांकरमा प्रहरीले लागुऔषध फेला पारेको हो।
रक्सौलबाट काठमाडाँैतर्फ जाँदै गरेको ट्यांकरको तेल निकाल्ने लकिङ बक्समा १ सय ५५ बोतल लागुऔषध विनक्रिक्स फेला पारेको हो।
ट्यांकर चालक मकवानपुरको थाहा नगरपालिका ४ का ३३ वर्षीय मानबहादुर थोकर र ओसारपसारमा संलग्न ४५ वर्षीय सेते लामा पक्राउ परेको प्रहरी निरीक्षक सुजन पाठकले बताए।
लागुऔषध नियन्त्रण ऐन, २०३३ बमोजिम यो कारोबारमा संलग्नलाई २ वर्षदेखि १० वर्ष सम्म कैद र १ लाखदेखि २० लाख रुपैयाँसम्म जरिवाना हुने व्यवस्था छ। उक्त सवारी साधन समेत जफत हुन सक्छ ।
प्रतिक्रिया