युनिकोड
काठमाडौँसहित देशका विभिन्न ठाउँमा ५ जना मृत फेला परेका छन्। काठमाडौँको दक्षिणकाली नगरपालिका-७ बैरेस्थित धान खेतमा करिब ४० वर्षीय पुरूष मृत अवस्थामा फेला परेका हुन्। मृतकको सनाखत हुन नसकेको प्रहरीले जनाएको छ।
त्यस्तै दैलेख, दुल्लु नगरपालिका ४ स्थित घरको बरण्डामा चामुण्डा बिन्द्रासैनी नगरपालिका ९ का ६० वर्षीय शक्ति रोकाय आइतबार मृत अवस्थामा फेला परेका छन्।
इलाम, इलाम नगरपालिका १ सानोमझुवास्थित खोल्सामा सोही नगरपालिका १ नेपालटार बस्ने ३३ वर्षीय सुदिर दास मृत फेला परेका छन्।
चितवन, भरतपुर महानगरपालिका १ रामनगरस्थित सडक छेउको खुल्ला चौरमा गोरखा पालुङटार नगरपालिका ६ गाइखोर घर भएकी ७० वर्षीया इन्द्रमाया विक शनिबार मृत अवस्थामा फेला परेकी छन्।
बाँके, राप्तीसोनारी गाउँपालिका १ गाभर बस्ने ४५ वर्षीया विष्णु बुढा सोही ठाउँस्थित सडकमा आइतबार मृत अवस्थामा फेला परेकी छन्। प्रहरीले घटनाको अनुसन्धान गरिरहेको जनाएको छ।
प्रतिक्रिया