क्यानडाको भ्यानकुभरमा कोरोना भाइरस ‘कोभिड १९’ को प्रकोपबीच एक वृद्धमाथि दुव्र्यवहार भएको छ।
एसियाली मूलका ९२ वर्षका वृद्धलाई एक व्यक्तिले ‘कोरोना भाइरस’ भन्दै सपिङ मलबाट बाहिर निकालेको साउथ चाइना मर्निङ पोस्टले जनाएको छ।
आवश्यक सामग्री खरिद गर्न सपिङ मल पुगेका वृद्धलाई उनकै पछाडिका व्यक्तिले हुत्याउँदै बाहिर निकालेको एक भिडियो सार्वजनिक भएको छ।
जब वृद्धलाई बाहिर निकालिन्छ वृद्ध भुँइमा लडेको देख्न सकिन्छ। प्रत्यक्षदर्शीका अनुसार ती व्यक्तिले वृद्धलाई कोरोना भाइरस भन्दै बाहिर निकालेका थिए।
हाल क्यानडाका प्रहरीले वृद्धमाथि दुव्र्यवहार गर्ने व्यक्तिको खोजी गरिरहेको छ।
यसअघि बेलायतमा पनि एसियाली विशेषगरी चिनियाँ मूलका नागरिकमाथि कोरोना भाइरसको नामसँग जोडेर दुव्र्यवहार भएको घटना सार्वजनिक भएका थिए।
Shares
प्रतिक्रिया