गोरखाबाट चितवन जाँदै गरेको बस ऐनापहारानजिकै दुर्घटना

गोरखाबाट चितवनको नारायणगढतर्फ जाँदै गरेको बस तनहुँको आँबुखैरेनीनजिकैको ऐनापहरा क्षेत्रमा दुर्घटनामा परेको छ। 

ग २ ख १०७७  नम्बरको बस दुर्घटनामा परेको हो। अपराह्न ४ बजेतिर ऐनापहारानजिकै सडकबाट बस १५ मिटर तल खसेको हो। आँबुखैरेनी प्रहरी कार्यालयका अनुसार बस अहिले भिरमा अड्किएको छ। 

बसमा कतिजना सवार थिए भन्ने अझै एकिन भइसकेको छैन। प्रहरीका अनुसार बसमा सवारमध्ये ५ जनाको उद्धार गरिएको छ। ५ मध्ये २ जना गम्भीर घाइते भएको र उनीहरूको आँबुखैरेनी अस्पतालमा उपचार भइरहेको छ। 

चालकलाई प्रहरीले नियन्त्रणमा लिइसकेको छ।