गोसाईंकुण्डमा पौडी खेल्ने क्रममा दुईजना बेपत्ता

रसुवा जिल्लाको गोसाईंकुण्ड गाउँपालिका–५ स्थित गोसाईंकुण्डमा पौडी खेल्ने क्रममा डुबेर दुईजना बेपत्ता भएका छन्। 

मोरङ जिल्ला घर भएका मनोज न्यौपाने र सुजन ढकाल आज (साउन ११ गते) दिउँसो गोसाईंकुण्डमा पौडी खेल्ने क्रममा डुबेर बेपत्ता भएका थिए।

बेपत्ता भएका व्यक्तिहरूको खोजिकार्यको लागि सशस्त्र प्रहरी, नेपाल प्रहरी र नेपाली सेनाको संयुक्त टोली परिचालन भएको छ।
    
घटनाबारे जानकारी पाएलगत्तै सशस्त्र प्रहरी बल, नेपाल नं. २० गुल्म रसुवाबाट सशस्त्र प्रहरी नायव निरीक्षक मोहविर नगालको कमाण्डमा विपद् व्यवस्थापन तालिम प्राप्त सुरक्षा फौज तथा अन्य सुरक्षा निकाय समेत संयुक्त रुपमा बेपत्ताहरुको खोजिकार्यको लागि परिचालन भएको सशस्त्रका सहप्रवक्ता डीएसपी शैलेन्द्र थापाले जानकारी दिए।