युनिकोड
डब्लूएचओका अनुसार उत्तर कोरियाले ७ सय जनामा कोरोनाको परीक्षण गराएको छ र ५ सय जनालाई क्वारेन्टिनमा राखेको छ।
परीक्षणमा हालसम्म उत्तर कोरियामा कसैमा पनि कोरोनाको संक्रमण नदेखिएको जनाइएको छ।
कोरोनाको उद्गमस्थल चीन र कोरोना संक्रमण देखिएको मुलुक दक्षिण कोरियासँग उत्तर कोरियाको सिमाना जोडिएको छ। यसबीचमा उत्तर कोरोना नियन्त्रण गर्न सफल भएको डब्लूएचओले जनाएको छ।
उत्तर कोरियाका लागि डब्लू्एचओका प्रतिनिधि डाक्टर एडविन साल्भाडोरले भने,‘अप्रिल २ सम्म यहाँ ७०९ जनामा कोरोना परीक्षण भएको छ। हालसम्म कसैमा कोरोना पुष्टि भएको छैन। यहाँ ५०९ जनालाई क्वारेन्टिनमा राखिएको छ। २ विदेशी र ५०७ स्वदेशका नागरिक क्वारेन्टिनमा छन्।’
यसअघि उत्तर कोरियाले पनि आफ्नो देशका कोही कोरोना संक्रमित नभएको बताउँदै आएको थियो। सीएनएन
प्रतिक्रिया