जनकपुरमा परीक्षण गरिएको १५ जनाको स्वाब रिपोर्ट नेगेटिभ आएको छ। जनकपुर प्रादेशिक अस्पतालमा शनिबारदेखि सञ्चालनमा आएको कोरोना परीक्षण प्रयोगशालामा हालसम्म परीक्षण गरिएका सबैको रिपोर्ट नेगेटिभ आएको हो।
आइतबार ६ जना, सोमबार ३ जना र मंगलबार ६ जना गरी १५ जनाको स्वाब परीक्षण गरिएकोमा सबैको रिपोर्ट निगेटिभ आएको प्रादेशिक प्रयोगशाला प्रदेश २ का निमित निर्देशक रामविनय साहले जानकारी दिए।
प्रदेश २ मा हालसम्म कोरोना संक्रमण आशंका गरिएका १ सय १३ जनाको स्वाब संकलन गरी प्रयोगशालमा परीक्षण जारी रहेकोमा साेमबारसम्म ४३ जनाको रिपोर्ट आएको छ। हालसम्म सबैको रिपोर्ट नेगेटिभ आएको प्रदेश २ स्वास्थ्य निर्देशनालयका वरिष्ट अधिकृत विजय झाले जानकारी दिए। उनका अनुसार ७० जनाको नमुना परीक्षण रिपोर्ट आउन बाँकी रहेको छ।
समाजिक विकास मन्त्रालयले हालसम्म २५ जना आइसोलेसनमा छन्। भारत र विदेशबाट आएका ८ सय ५९ जना क्वारेन्टिन र १ हजार १ सय ७७ जना होम क्वारेन्टिनमा रहेको मन्त्रालयले जनाएको छ।
प्रतिक्रिया