सिरहामा खैरो हेरोइनसहित तीन जना पक्राउ

सिरहामा लागुऔषध खैरो हिरोइनसहित तीन जना पक्राउ परेका छन्। जिल्ला प्रहरी कार्यालय सिरहा र इलाका प्रहरी कार्यालय लहानको टोलीले बिगतमा पनि लागुऔषधको कारोबार गरेका तीन जनालाई पक्राउ गरेको हो।

पक्राउ पर्नेमा सिरहाकै धनगढीमाई नगरपालिका ९ का २२ वर्षका पवनकुमार साह, २३ वर्षका अंकेश कुमार महतो र २० वर्षका लालबाबु राय रहेका छन्। उनीहरु तीनैजनाको साथबाट खैरोहेरोइन बरामद गरेको प्रहरीले जनाएको छ।

पवनको साथबाट तराजु, अंकेशको साथबाट १५ ग्राम र लालबाबुको साथबाट ३१ ग्राम खैरो हेरोइन बरामद गरेको छ। उनीहरु तीनैजना यसअघि २०८१ साउन १३ गते पनि लागु औषध खैरोहेरोइनसहित पक्राउ परेर अदतलबाट मंसिर २० गते ४ महिना कैदको फैसला भएको थियो।

उक्त फैसलापछि पनि उनीहरु भने लागुऔषधकै काकरोबारमा रहेको खुलेको छ।