पूर्वमुख्यसचिव गौतमको निधन

नेपाल सरकारका पूर्वमुख्य सचिव दामोदरप्रसाद गौतमको निधन भएको छ। कलेजोसम्बन्धी समस्याबाट पीडित ८६ वर्षीया गौतमको मंगलबार बिहान ललितपुरको मेडिसिटी अस्पतालमा उपचारको क्रममा निधन भएको हो। 

२०४७ देखि २०४९ सम्म मुख्यसचिव रहेका उनी २०५५-०५७ सम्म संयुक्त राज्य अमेरिकाका लागि नेपाली राजदूतसमेत भएका थिए । 

२०१८ सालमा शाखा अधिकृतको रुपमा सरकारी सेवामा प्रवेश गरेका गौतम घरेलुको निर्देशक, चिया विकास इलामको निर्देशक, पर्यटन र वाणिज्य मन्त्रालयको सचिव, अर्थ मन्त्रालयको अतिरिक्त सचिव हुदै २०४७ सालदेखि २०४९ सम्म मुख्यसचिव बनेका थिए। 

बाराको कलैयामा १९९४ मा जन्मिएका गौतम २०३१ देखि ललितपुर बस्दै आएका थिए। उनका २ छोरी र १ छोरा छन्।