युनिकोड
हाल देशमा पश्चिमी वायुसँगै स्थानीय वायुको पनि प्रभाव रहेको छ।
यतिबेला (सोमबार बिहान) कोसी प्रदेशसहित देशका पहाडी भूभागको मौसम आंशिकदेखि साधारणतया बदली छ।
देशका बाँकी भूभागमा आंशिक बदलीदेखि मौसम मुख्यतया सफा छ। तराईका केही स्थानमा अहिले हुस्सु लागेको मौसम पूर्वानुमान महाशाखाले जनाएको छ।
आज कोसी, बागमती र गण्डकी प्रदेशका पहाडी भूभागका थोरै स्थान तथा बाँकी प्रदेशका पहाडी भूभागका एकदुई स्थानमा मेघ गर्जन र चट्याङसहित हल्का वर्षाको सम्भावना रहेको महाशाखाले सोमबार बिहान ६ बजे जारी गरेको बुलेटिनमा उल्लेख छ।
कोसी, बागमती र गण्डकी प्रदेशका उच्च पहाडी तथा हिमाली भूभागका थोरै स्थान तथा बाँकी प्रदेशका उच्च पहाडी तथा हिमाली भूभागका एकदुई स्थानमा आज हल्का हिमपातकोसमेत सम्भावना छ।
‘वर्षा तथा हिमपातको प्रभावले दैनिक जनजीवन, स्वास्थ्य, सडक तथा हवाई यातायातमा आंशिक प्रभाव पर्न सक्ने हुँदा त्यसबाट हुन सक्ने असरबाट समेत बच्न आवश्यक उपाय तथा सतर्कता अपनाउन अनुरोध छ,’ महाशाखाले जारी गरेको बुलेटिनमा भनिएको छ।
हेर्नुहोस् तीन दिनको मौसम पूर्वानुमान
प्रतिक्रिया