युनिकोड
काठमाडौँको चन्द्रागिरीमा गाडीको ठक्करबाट मोटरसाइकलमा सवार युवकको मृत्यु भएको छ। दुर्घटनामा अर्की एक महिला घाइते भएकी छन्।
चन्द्रागिरि नगरपालिका-९ चुनदेबी चोकमा बा.४ ख १७० नम्बरको गाडीले ठक्कर दिँदा बा.प्र.०२-०४६ प ७१२९ नम्बरको मोटरसाइकलका चालक स्थानीय ३९ वर्षीय कुमार श्रेष्ठको मृत्यु भएको हो।
दुर्घटनामा गम्भीर घाइते भएका उनको सतुङ्गलस्थित एपीएफ अस्पतालमा उपचारको क्रममा मृत्यु भएको प्रहरीले जनाएको छ।
दुर्घटनामा मोटरसाइकलको पछाडि सवार एक महिला घाइते भएकी छन्। उनको बीएण्डबी अस्पताल ललितपुरमा उपचार भइरहेको छ।
दुर्घटनापछि गाडी चालकलाई प्रहरीले नियन्त्रणमा लिएको छ। दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।
प्रतिक्रिया