सर्वोच्च अदालतमा शुक्रबार बसेको पूर्ण बैठकले यही चैत २१ गतेसम्म सम्पूर्ण अदालत बन्द गर्ने निर्णय गरेको छ।
कोरोना भाइरस (कोभिड १९)को संक्रमण रोक्नका लागि आइतबारदेखि दुई सातका लागि देशैभरका अदालतहरु बन्द हुने भएको हुन्।
सर्वोच्च अदालतमा प्रधानन्यायाधीश चोलेन्द्र शमशेर जवाराको अध्यक्षतामा शुक्रबार बसेको पूर्ण बैठकले अदालतहरु आगामी चैत २२ गतेसम्मका लागि सबै अदालत बन्द गर्ने निर्णय गरेको हो।
बन्दको समयमा पनि बन्दी प्रत्यक्षीकरणका रिटहरु भने नरोकिने बताइएको छ। बैठकले दुई हप्ता बन्दीप्रत्यक्षीकरणको मुद्दाबाहेक अरु सबैको सुनुवाइ नहुने गरी सर्वोच्च अदालतसहित सबै अदालत बन्द गरिने निर्णय गरेको अदालतका सूचना अधिकारी देवेन्द्र ढकालले जानकारी दिए।
अदालतमा धेरै सेवाग्राहीको भीडभाड हुने कोरोनाको संक्रमणको सम्भावना हुने हुँदा संक्रमणको सम्भावना न्यूनीकरण गर्न माग गरिएको थियो। सर्वोच्च अदालत बार एशोसिएसनले यही चैत ४ गते नै आकस्मिक बैठक बसी कोरोना भाइरसको जोखिमलाई ध्यानमा राखी कम्तीमा तीन हप्ताका लागि अदालत बन्द गर्ने व्यवस्था मिलाउन अनुरोध गरेको थियो।
प्रतिक्रिया