३ प्रदेशका थोरै पहाडी भूभागमा वर्षा र हिमाली क्षेत्रमा हिमपातको सम्भावना

हाल देशभर पश्चिमी वायुको आंशिक प्रभाव रहेको छ। यतिबेला (बिहीबार) बिहान कोसी र गण्डकी प्रदेशका पहाडी भूभागको मौसम आंशिक बदली छ। बाँकी भूभागमा मौसम मुख्यतया सफा रहेको मौसम पूर्वानुमान महाशाखाले जनाएको छ।   

आज दिउँसो पनि देशका पहाडी भूभागमा आंशिक बदली रहने अनुमान छ। बाँकी भूभागको मौसम मुख्यतया सफा रहने छ। कोसी, बागमती र गण्डकी प्रदेशका पहाडी भूभागका एकदुई स्थानमा दिउँसो हल्का वर्षा तथा उच्च पहाडी तथा हिमाली भूभागका एकदुई स्थानमा हल्का हिमपातको पनि सम्भावना रहेको महाशाखाले जनाएको छ।

आज राति पनि देशका पहाडी भूभागमा आंशिक बदली रहने बाँकी भूभागमा मौसम मुख्यतया सफा रहने महाशाखाले बिहीबार बिहान ६ बजे जारी गरेको बुलेटिनमा उल्लेख छ। 

कस्तो होला शुक्रबार र शनिबारको मौसम? 
२०८१ मंसिर ७ गते शुक्रबार