म्याग्दीको अन्नपूर्णमा मोटरसाइकल दुर्घटना हुँदा एकजना जर्मन नागरिकको मृत्यु भएको छ।
जिल्ला प्रहरी कार्यालय म्याग्दीका अनुसार बिहीबार साँझ अन्नपूर्ण गाउँपालिका-३ काभ्रेभीरबाट एच पी ६६ ए ३०५९ विदेशी नम्बर प्लेटको मोटरसाइकल खस्दा जर्मन नागरिक म्यानफ्रेड ब्रिमरको मृत्यु भएको हो।
उनी सडकबाट ५० मिटर तल खस्दा मृत्यु भएको जिल्ला प्रहरी कार्यालयका डिएसपी मदन कुँवरले जानकारी दिए।
उनी सवार मोटरसाइकल सडकमा गुड्दै गर्दा ढुंगामा ठोक्किए भीरबाट खसेको प्रहरीले जनाएको छ।
मृतक ब्रिमरको शव बेनी अस्पतालमा राखिएको छ। शव पोष्टमर्टमको लागि काठमाडौंस्थित टिचिङ अस्पताल पठाइने डीएसपी कुँवरले बताए।
33
Shares
प्रतिक्रिया