युनिकोड
रौतहट जिल्लाको गौर नगरपालिका २ स्थित भन्सार ईलाकाबाट अवैध रुपमा ल्याउँदै गरेको किराना सामान तथा लत्ताकपडा सशस्त्र प्रहरीले बरामद गरेको छ।
भारतबाट अबैध रुपले नेपालतर्फ ल्याउँदै गरेको १ लाख १९ हजार ७ सय ८० रुपैयाँ बराबरको सो सामान प्रस्तावित सीमा सुरक्षा गुल्म गौरले बरामद गरेको हो।
यसैगरी नम्बर ३४ गण कैलालीले जेठ २९ गते कैलाली जिल्लाको धनगढी उपमहानगरपालिका ३ चटकपुर ईलाकाबाट भारतबाट अवैध रुपले नेपालतर्फ ल्याउँदै गरेको १ लाख ६ हजार ४ सय ५० रुपैयाँ बराबरको लत्ताकपडा बरामद गरेको छ।
बरामद सामान स्थानीय भन्सार कार्यालयमा बुझाइएको सशस्त्र प्रहरी सहप्रवक्ता डीएसपी शैलेन्द्र थापाले जानकारी दिए।
प्रतिक्रिया