युनिकोड
सुर्खेत जिल्लाको भेरीगंगा नगरपालिका ८ लोदेस्थित भेरी नदीमा पौडी खेल्ने क्रममा बेपत्ता भएका दुई जना मध्ये एक जनाको शव फेला परेको छ।
बिहीबार (माघ २६ गते) डोल्पा जिल्लाको ठूलीभेरी नगरपालिका ५ बस्ने २२ वर्षीय मकर रोकाय र २१ वर्षीय बिबि रोकाय सो नदीमा पौडी खेल्ने क्रममा डुबेर वेपत्ता भएका थिए।
सो बारे जानकारी पाएपश्चात सशस्त्र प्रहरी बल नेपाल नम्बर ६ महेश्वरी बाहिनी मुख्यालय सुर्खेतबाट गोताखोरसहित खटिएको सशस्त्र प्रहरीले बिबि रोकायको शव फेला पारेको हो।
अर्का एक जनाको खोजीकार्य भइरहेको सशस्त्रका सहायक प्रवक्ता डीएसपी शैलेन्द्र थापाले जानकारी दिए।
प्रतिक्रिया