प्रधान सेनापतिद्वारा पृथ्वीनारायणको शालिक अनावरण

प्रधान सेनापति प्रभुराम शर्माले नारायणहिटीस्थित उपत्यका पृतना हेडक्वाटर हाताभित्र नवनिर्मित पृथ्वीनारायण शाहको पूर्णकदको शालिक अनावरण गरेका छन्।

३०१औँ पृथ्वी जयन्ती तथा राष्ट्रिय एकता दिवस–२०७९ को अवसरमा प्रधानसेनापति शर्माले सोमबार आयोजित एक कार्यक्रमबीच राष्ट्रनिर्माताको शालिक अनावरण गरेका हुन्।

कार्यक्रममा बलाध्यक्ष रथी सिताराम खड्का, रथीबृन्द, अधिकृत, पदिक तथा सकलदर्जाहरुको उपस्थिती रहेको नेपाली सेनाले जनाएको छ।