गृह मन्त्रालयले व्यक्तिको नागरिकताको प्रमाण पत्रमा उल्लेखित अपमानजनक नाम सच्याउन प्रशासन कार्यालयहरुलाई निर्देशन दिएको छ।
विभिन्न जिल्लाहरूबाट जारी भएका नेपाली नागरिकताका प्रमाणपत्र जारी गर्दा अपमानजनक शब्द राखी जारी भएको सम्बन्धमा मन्त्रालयको गम्भीर ध्यानाकर्षण भएको भन्दै मन्त्रालयले सम्बन्धित व्यक्तिले सच्याउन चाहेमा नाम सच्याइदिन भनेको छ।
‘अपमानजनक शब्द प्रयोग गरी नागरिकतामा व्यक्तिको नाम र थर जनिने गरी नागरिकता प्रमाणपत्र जारी नगर्ने’ मन्त्रालयले सोमबार निर्देशन दिँदै भनेको छ, ‘ त्यसरी अपमानजनक शब्द प्रयोग गरी जारी भएका नागरिकता प्रमाणपत्रमा सम्बन्धित व्यक्तिले सच्याउन माग गरेमा आवश्यक प्रक्रिया पूरा गरी सच्याउने व्यवस्था मिलाउने।’
हालै विभिन्न व्यक्तिहरुको नागरिकताको प्रमाणपत्र जारी गर्दा अपमानजनक नाम राखेको खुलेपछि गृहले सच्याउन निर्देशन दिएको हो।
Shares
प्रतिक्रिया