युनिकोड
मेटा प्लेटफर्मले आफ्नो फेसबुक, इन्स्टाग्राम र ह्वाट्सएपको लागि पैसा तिर्नुपर्ने फिचर ल्याउने तयारी गरिरहेको छ।
अन्तर्राष्ट्रिय सञ्चारमाध्यमहरुका अनुसार मेटाले नयाँ फिचर ल्याउनको लागि प्रडक्ट अर्गनाइजेसन स्थापना गरेको छ।
गत साता कम्पनीले कर्मचारीहरुलाई पठाएको मेमोमा यसको उल्लेख गरिएको छ।
यद्यपि कम्पनीले अझै पनि विज्ञापन नआउने बनाउन पैसा तिर्नुपर्ने फिचर भने ल्याउने छैन।
कम्पनीले आगामी दिनमा पनि विज्ञापनको बजार विस्तारीकरण जारी रहने बताएको छ।
नयाँ योजनाको विषयमा कम्पनीले आधिकरिक जानकारी भने दिएको छैन।
गत महिना मेटाले पहिलोपटक आफ्नो आम्दानी घटेको विवरण सार्वजनिक गरेको थियो।
त्यसैले कम्पनीले आफ्नो आम्दानी बढाउन नयाँ योजना अघि सार्न लागेको समाचारमा उल्लेख छ।
भदौ १६, २०७९, बिहीबार
प्रतिक्रिया