दक्षिण कोरियाद्वारा आफैँले बनाएको अन्तरिक्ष यानको सफल प्रक्षेपण

दक्षिण कोरियाले आफैँले बनाएको रकेट अन्तरिक्षमा प्रक्षेपण गरेको छ। प्रक्षेपण सफल भएको दक्षिण कोरियाली विज्ञान मन्त्रालयले जनाएको छ। यसअघि अक्टोबरमा रकेट प्रक्षेपण गर्ने पहिलो प्रयास असफल भएको थियो।

२ सय टन तौल भएको तर इन्धनचालित कोरिया स्याटलाइट लन्च भेइकल २ गोह्युङबाट मंगलबार ४ बजे प्रक्षेपण गरिएको थियो। सो रकेटलाई अनौपचारिक रुपमा नुरी नाम दिइएको छ।

गत अक्टोबरमा सो प्रक्षेपण परीक्षण असफल भएपछि दक्षिण कोरियाको अन्तरिक्ष कार्यक्रममा धक्का लागेको थियो। त्यतिबेला रकेट ७ सय किलोमिटर उचाइमा पुगेर १.५ टनको भारी अलग गर्न सफल भएको थियो। तर, त्यतिबेला डमी स्याटलाइटलाई कक्षमा राख्न असफल भएको थियो।