समानुपातिक अपडेट : कांग्रेसभन्दा एमाले ६५ हजारले अघि, घण्टीभन्दा हँसिया-हथौडा २० हजारले पछि (सूची)

प्रतिनिधिसभा समानुपातिकतर्फ नेकपा एमालेले आफ्नो अग्रता कायमै राखेको छ। आज बिहान ७ः१५ बजेसम्मको तथ्यांकअनुसार एमालेले १७ लाख ३० हजार ८ सय ९३ समानुपातिक मत ल्याएको छ। दोस्रो स्थानमा रहेको नेपाली कांग्रेसले यो खबर तयार पार्दासम्म १६ लाख ६५ हजार ४ सय १३ समानुपातिक मत ल्याएको निर्वाचन आयोगले जनाएको छ।

आयोगको विवरणअनुसार समानुपातिकतर्फ राष्ट्रिय स्वतन्त्र पार्टीले आफ्नो तेस्रो स्थान कायमै राखेको छ। उसले अहिलेसम्म ७ लाख ५५ हजार २ सय ३३ मत पाएको छ। यसैगरी चौथो स्थानमा रहेको नेकपा माओवादी केन्द्रले ७ लाख ३४ हजार ९ सय ६३ समानुपातिक मत ल्याएको छ। पाँचौं स्थानमा रहेर राष्ट्रिय प्रजातन्त्र पार्टीले ३ लाख ८७ हजार ८ सय ८९ समानुपातिक मत ल्याएको छ।