बागमतीमा नेमकिपाका विक्रम र कविताको उम्मेदवारी दर्ता

राष्ट्रिय सभा सदस्यको निर्वाचनका लागि बागमती प्रदेशबाट नेपाल मजदूर किसान पार्टी (नेमकिपा) का दुई जनाले उम्मेदवारी दर्ता गराएका छन्। 

बुधबार नेमकिपाको तर्फबाट बागमती प्रदेशको अन्य क्लस्टरमा विक्रम ढुकुछु र महिला क्लस्टरमा कविता महर्जनले मनोनयन दर्ता गरेका हुन्। सुनिल प्रजापति प्रस्तावक र रजनी जोशीको समर्थनमा ढुकुछुले मनोनयन दर्ता गरेका छन्। 

त्यस्तै, सुरेन्द्रराज गोर्साई प्रस्तावक र सृजना सायजूको समर्थनमा महर्जनले मनोनयन दर्ता गरेकी हुन्।

बागमती प्रदेशमा राष्ट्रिय सभाका दुई सदस्यका लागि निर्वाचन हुँदै छ। आज उम्मेदवारी दर्ताको समय तोकिएको छ भने माघ ११ गते मतदान हुनेछ।