युनिकोड
भारतका विदेशमन्त्री एस जयशंकरले मंगलबार कतार इकोनोमिक फोरममा बोल्दै चीनले विवादित क्षेत्रबाट सेना हटाउने सहमति तोडेर सो क्षेत्रमा फेरि सेना तैनाथ गर्दै सैन्य पूर्वाधार निर्माण गर्न थालेको बताएका हुन्।
चिनियाँ कार्यले सहमति भंग हुने उनको भनाइ छ। उनका अनुसार चीन र भारतका सेनाबीच भएको लिखित सम्झौतामा सेनाहरु विवादित क्षेत्रबाट हटाउने भनिएको छ।
यद्यपी लद्दाख नजिकैका क्षेत्रमा चिनियाँ सेनाहरुको गतिविधि बढ्न थालेको उनको भनाइ छ।
गतवर्ष लद्दाख नजिकैको विवादित क्षेत्र गलवान उपत्यकामा भारतीय र चिनियाँ सेनाबीच झडप हुँदा २० भारतीय सेना र ४ चिनियाँ सेनाको ज्यान गएको थियो।
त्यसयता भारत र चीनका सेनाबीच ११ पटकभन्दा बढी शान्ति वार्ता भएको छ। दुवै देशका सेनाले विवादित क्षेत्र एलएसीबाट पछाडि हट्ने सहमति गरेका छन्।
यद्यपी चिनियाँ सेनाले सहमति नमानेको भारतको आरोप छ। चिनियाँ आक्रामकता जारी रहे भारतले त्यसको कडा प्रतिकार गर्ने भारतीय प्रधानमन्त्री नरेन्द्र मोदीले बताउँदै आएका छन्। एससीएमपी
प्रतिक्रिया