युनिकोड
प्रादेशिक कोरोना भारइरस व्यवस्थापन समिति प्रदेश २ ले थप ५० हजार भीटीएम र रिएजेन्ट खरिद गर्ने भएको छ।
आज सम्पन्न प्रदेश पीसीसीएमसीको बैठकले थप भीटीएम र रिएजेन्ट खरिद गर्ने निर्णय गरेको हो।
बढ्दै गएको कोरोना संक्रमणलाई नियन्त्रणमा लिन परीक्षणको दायरालाई बढाउन उक्त भीटीएम र रिएजेन्ट खरिद गर्ने निर्णय गरिएको मुख्यमन्त्री तथा मन्त्रिपरिषदको कार्यालयले जनाएको छ।
बैठकले प्रदेशमा हुन सक्ने अक्सिजनको अभावलाई मध्यनजर गर्दै केन्द्र सरकारसँग तत्काल ४ हजार अक्सिजन सिलिण्डर माग गर्ने निर्णय समेत गरेको छ।
त्यसैगरी होम आइसोलेसनमा रहेका संक्रमितहरुको हेरचाहका लागि स्थानीय तहहरुसँग समन्वय गर्ने निर्णय समेत गरेको छ भने जिल्ला जनस्वास्थ्यको समन्वयमा प्रत्येक अस्पतालमा हेल्थ डेस्क स्थापना गर्ने निर्णय समेत गरेको छ।
प्रतिक्रिया