युनिकोड
नेकपा (माओवादी केन्द्र) को स्थायी कमिटीको बैठक आज पनि बस्दै छ। बिहान ११ बजे केन्द्रीय कार्यालय पेरिसडाँडामा बैठक बस्ने नेता मातृका यादवले जानकारी दिए।
‘आजको बैठक हिजोकै निरन्तरता हो। बैठकमा पछिल्लो राजनीतिक अवस्थाको विषयमा छलफल हुन्छ,’ यादवले नेपालखबरसँग भने।
आजको बैठकमा सरकारलाई दिएको समर्थन, नयाँ सत्ता समीकरण लगायतका विषयमा छलफल हुने माओवादी स्रोतले जनाएको छ।
माओवादीले नेपाली कांग्रेस र जसपासँग सत्ता समिकरणको प्रयास गरिरहेको छ। यस विषयमा अध्यक्ष प्रचण्डले कांग्रेस सभापति शेरबहादुर देउवा र जसपाका संघीय परिषद अध्यक्ष डा.बाबुराम भट्टराईसँग छलफल गरिसकेका छन्।
जसपाले भने पुनस्र्थापित एमाले वा माओवादी केन्द्र-कांग्रेस कोसँग सत्ता सहकार्य गर्ने निर्णय गरि सकेको छैन।
प्रतिक्रिया