युनिकोड
नेपाली कांग्रेसका सभापति शेरबहादुर देउवाले यस वर्षको बडा दसैंलाई घर-डेरामै सीमित गर्न आग्रह गरेका छन्।
बडा दसैंको अवसरमा शुभकामना सन्देश दिँदै देउवाले घरडेरामा मात्रै सीमित रहेर दसैं मनाउन सबै नेपाली दिदीबहिनी दाजुभाइहरुमा अपील गरेका हुन्।पर्व मनाउँदा आफू र आफ्नो परिवारलाई सुरक्षित राख्न देउवाको आग्रह छ।
कोभिड-१९ को संक्रमणप्रति सचेतता अपनाई मठमन्दिर जाँदा मास्क अनिवार्य लगाउन र भौतिक दूरी कायम राख्न पनि उनले सुझाब दिएका छन्।
देउवाको शुभकामना सन्देशमा विजयादशमीले समुदाय, संस्था, परिवार र व्यक्तिव्यक्तिबीचको एकतालाई अझ मजबूत बनाउँंदै आएको उल्लेख गरिएको छ।
देउवाले आफू र नेपाली कांग्रेसका तर्फबाट स्वदेश तथा विदेश रहेका सम्पूर्ण नेपाली दिदीबहिनी तथा दाजुभाइमा दसैंको अवसरमा सुख, शान्ति, समृद्धि र उत्तरोत्तर प्रगतिको शुभकामना व्यक्त गरेका छन्।
प्रतिक्रिया