युनिकोड
नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले पाँच वटा विषयगत उपसमिति संयोजक चयन गरेको छ।
शुक्रबार बसेको प्रतिष्ठानको बैठकले प्रतिष्ठान प्रमुख विश्वप्रकाश शर्माकोको प्रस्तावमा ५ विषयगत उपसमिति तय गरेको हो।
कांग्रेसका कार्यवाहक मुख्य सचिव कृष्णप्रसाद दुलालका अनुसार डायस्पोरा डाईलग उपसमिति संयोजकमा डा यादव पण्डितलाई चयन गरिएको छ।
उक्त उपसमितिलाई नागरिकता, लगानी र मतदानको अधिकार सम्बन्धमा जनसम्पर्क समितिको पदीय संरचना बाहिरको वृहत् विश्व समाजसँग नीति संवाद र समन्वय गर्ने कार्यादेश दिइएको छ।
यस्तै स्वास्थ्य बिमा र सेवामा पहुँच नीतिगत संवाद उपसमिति संयोजकको जिम्मेवारी डा. अन्जनीकुमार झाले पाएका छन् भने घरेलु एवं डिजिटल हिंसा सचेतना उपसमिति संयोजकमा स्वीकृति पौडेल चयन भएकी छन्।
यस्तै, सार्वजनिक यातायात र सडक सुरक्षा सचेतना उपसमिति संयोजकमा श्रीप्रसाद भलामी र खेलकुद नीति संवाद उपसमिति संयोजकमा विनोद दास चयन भएका छन्।
प्रतिक्रिया