युनिकोड
लकडाउनलाई प्रभावकारी बनाउने विषयमा विज्ञसमूह सहित उच्चस्तरीय समन्वय समितिको बैठक बसिरहेको छ।
शुक्रबार मध्यान्हदेखि प्रधानमन्त्री तथा मन्त्रिपरिषदको कार्यालय सिंहदरबारमा बसेको बैठकमा लकडाउनलाई कसरी प्रभावकारी बनाउने भन्ने विषयमा छलफल भइरहेको उपप्रधानमन्त्री एवं कोभिड १९ रोकथाम, नियन्त्रण एवं उपचार उच्चस्तरीय समितिका संयोजक ईश्वर पोखरेलको सचिवालयले जनाकारी दिएको छ।
‘लकडाउनलाई कसरी प्रभावकारी र व्यवस्थित बनाउन सकिन्छ भनेर विज्ञ टोलीसहित उच्चस्तरीय समन्वय समितिको बैठक सुरु भएको छ’, सचिवालय स्रोतले नेपालखबरसँग भन्यो, ‘अहिले विज्ञहरुले आफ्नो सुझाब राखिरहनुभएको छ।’
सरकारले लकडाउनलाई केही खुकुलो पारेको केही समयमै नेपालमा कोरोना संक्रमितको संख्यामा उल्लेख्य वृद्धि भएपछि सरकार लकडाउनको मिति थपेर थप कडा बनाउने तयारीमा रहेको छ।
मंगलबार बसेको मन्त्रिपरिषद् बैठकमा प्रधानमनत्री केपी शर्मा ओलीले लकडाउन खुकुलो पारेकोमा चिन्ता व्यक्त गरेका थिए। नेपालजस्तो देशमा कोरोनाको संक्रमण फैलिन नदिने उकमात्र उपाए भनेको लकडाउन भएको भन्दै प्रधानमनत्री ओलीले लकडाउनमा कडाइ गर्नुपर्ने बताएका थिए।
राजधानी काठमाडौँ लगायत देशभर कोरोनाको संक्रमितको संख्या बढ्दै गएपछि गृह मन्त्रालयले यसअघि प्रशासनबाट जारी भएका सबै सवारी पास खारेज गरेको थियो।
प्रतिक्रिया