समानुपातिक उम्मेदवारले भोलिसम्म नाम फिर्ता लिन सक्ने

प्रतिनिधिसभा सदस्य निर्वाचन २०८२ अन्तर्गत समानुपातिकतर्फको बन्दसूचीमा नाम समावेश भएका उम्मेदवारले भोलिसम्म नाम फिर्ता लिन सक्ने भएका छन्। 

निर्वाचन आयोगले आइतबार एक सूचना जारी गर्दै सोमबार दिउँसो ४ बजेसम्म बन्द सूचीमा रहेका उम्मेदवारले आफ्नो नाम फिर्ता लिन पाउने भएका हुन्।

नाम फिर्ता लिन निर्वाचन आयोगमा गएर निवेदन दिनुपर्नेछ। उम्मेदवार स्वयं उपस्थित हुन नसकेमा वारेसमार्फत पनि निवेदन दिन सकिने निर्वाचन अधिकृत कृष्ण बहादुर राउतले जानकारी दिए।