युनिकोड
काठमाडौँ महानगरका मेयर बालेन शाहले रास्वपा सभापति रवि लामिछानेसँग सहमति अघि बढाउनुअघि उज्यालो नेपाल पार्टीका संरक्षक कुलमान घिसिङसँग फेरि छलफल गर्ने भएका छन्।
रवि-बालेनबीच सहमतिका लागि दुवै पक्ष रहेको कार्यदलले शुक्रबार नै सहमतिको समस्यौदा बनाए पनि त्यसलाई शनिबार (आज) टुुंग्याएर हस्ताक्षर गर्ने भनिएको थियो। त्यसअघि रवि- बालेनबीच भेट्ने कुरा भएको थियो।
तर, बालेनले रविसँग औपचारिक सम्झौता गर्नुअघिसँग घिसिङसँग फेरि छलफल गर्ने भएका हुन्। रवि-बालेन सहमतिका लागि गठित कार्यदलका एक सदस्यका अनुसार पहिले आफूले कुलमानसँग छलफल गर्ने बताएका छन्।
‘(सहमति) आजै गर्ने भन्ने छ तर एकराउन्ड बालेनहरू कुलमानसँग छलफल गर्ने भन्नुभयो,’ कार्यदलका ती सदस्यले भने। बालेन र कुलमानबीच शनिबार बिहान पनि भेट भएको थियो।
बालेनले फेरि कुलमानसँग भेट्न चाहेपछि रवि पक्ष भने अब बालेन-कुलमान छलफल निचोडको पर्खाइमा सबेको छ।
कुलमानसँग आज बिहान भएको छलफलमा रास्वपासँग भएको छलफलको ब्रिफिङ बालेनले गरेका थिए।
प्रतिक्रिया