संवाद समितिले गर्‍यो रास्वपा कार्यालयको अनुगमन

सरकारले गठन गरेको उच्चस्तरीय राजनीतिक संवाद समितिले राष्ट्रिय स्वतन्त्र पार्टीको केन्द्रीय कार्यालयको अनुगमन गरेको छ। 

समितिले बुधबार दिउँसो ३ बजे वनस्थलीस्थित कार्यालयमा पुगेर अनुगमनका साथै नेताहरुसँग भेघाट गरेको थियो। समितिलाई रास्वपा उपसभापति डीपी अर्याल लगायतले स्वागत गरेका थिए।

समिति संयोजक तथा कानुन मन्त्री अनिल सिन्हा, सञ्चार, सूचना तथा प्रविधि मन्त्री जगदीश खरेल, प्रधानमन्त्रीका प्रमुख सल्लाहकार अजयभद्र खनाल पुगेका थिए।

रास्वपाका तर्फबाट उपसभापति अर्याल, अर्का उपसभापति स्वर्णिम वाग्ले, महामन्त्री कविन्द्र वुर्लाकोटी, सह महामन्त्री विपीन आचार्य र प्रवक्ता मनीष झा लगायत अन्य केन्द्रीय सदस्यसहितको उपस्थिति रहेको थियो।