युनिकोड
गृहमन्त्री ओमप्रकाश अर्यालले जेनजीको रगत र कयौं युवा शहिदहरुको सपनाभन्दा बाहिर जाने र बोल्ने छुट कसैले नभएको बताएका छन्।
बिहीबार राष्ट्रिय सभा अन्तर्गतको संघीयता सवलीकरण तथा राष्ट्रिय सरोकार समितिमा मन्त्री अर्यालले कुनै पनि हालतमा कोही कसैलाई अहिले जेनजी युवा वर्ग र जनताले चाहेको परिवर्तनको जनभावना विपरित जाने छुट नभएकोले सबैले वार्ता, सहमति र चुनावबाटै अबको हल खोजिनु पर्ने बताए।
सरकारले दण्डहीनतालाई कहिल्यै पनि प्रसय नदिने कुरा बताउँदै, मन्त्री अर्यालले राष्ट्रिय र निजी सम्पत्तिमा क्षती भएकोबारे कार्की नेतृत्वको न्यायिक जाँचबुझ आयोगले पनि हेरिरहेको र यसमा सरकारले ‘व्ल्याङ्केट अप्रो’ (नजरअन्दाज) नगरी काम गरिरहेको पनि समिति समक्ष जानकारी दिए।
समितिमा उठेका प्रश्नहरूको उत्तर दिँदै मन्त्री अर्यालले भने, ‘प्रहरीको मनोबल उच्च राख्न उनीहरूले गर्न र लिन खोजेको निर्णयमा हस्तक्षेप नगरे मात्रै पनि प्रहरी संगठनको मनोबल स्वतः उच्च हुन्छ।’
आगामी निर्वाचनमा सुरक्षा निकायलाई आवश्यक बन्दो बस्तीका सामग्रीको कमी हुन नदिन र आवश्यक आर्थिक श्रोत जुटाउन विभिन्न निकायहरूसँग समन्वय भइरहेको पनि मन्त्री अर्यालले समितिलाई बताए।
अर्को प्रसङ्गमा मन्त्री अर्यालले भने, दलहरूसँग सरकार नकारात्मक हुनै सक्दैन, वार्ता र छलफल विभिन्न तहमा आगामी समयमा हुने नै छ।’
आजको बैठकमा समितिका अधिकांश सदस्यहरूले चुनाव तोकिएकै मितिमै हुने कुरा, प्रहरीहरूको खस्किएको मनोबल, देशमा शान्ति सुरक्षा र भयको वातारण नभएको जस्ता जिज्ञासा प्रस्तुत गरेका थिए।
समिति सभापति सोनाम गेल्जेन शेर्पाको सभापतित्वमा बसेको बैठकले आगामी निर्वाचन स्वच्छ, निष्पक्ष र शान्तिपूर्ण रुपमा सम्पन्न गर्नका लागि प्रहरीहरुको मनोवल उच्च बनाउँदै आन्दोलनका क्रममा लुटिएका हातहतियार र आपराधिक क्रियाकलापमा लागेकाहरूलाई कानुनी दायरमा ल्याउन र मुलुकमा भयरहित वातावरण निर्माण गर्न समितिले सरकारलाई निर्देशन गरेको छ।
प्रतिक्रिया