न्यून आय भएकाप्रति गम्भीर हुन सरकारलाई सभामुख र अध्यक्षकाे सुझाव

सभामुख अग्निप्रसाद सापकोटा, राष्ट्रिय सभाका अध्यक्ष गणेशप्रसाद तिमिल्सिना र कानुुन न्याय तथा संसदीय मामिला मन्त्री डा. शिवमाया तुम्बाहाङफेबीच आइतबार पछिल्लो परिस्थितिबारे छलफल भएको छ।

‘सभामुखको कार्यकक्ष सिंहदरबारमा भएको छलफलमा कोरोना भाइरसका कारण उत्पन्न विषम परिस्थिति, सरकारले चालेका कदमहरु र संघीय संसदले खेल्नसक्ने भूमिकाका विषयमा केन्द्रित रहेको थियो,’ संसद सचिवालयद्वारा दिइएको जानकारीमा बताइएको छ।

छलफलमा सभामुुख सापकोटा र अध्यक्ष तिमिल्सिनाले सरकारले कोरोना संक्रमण रोकथाम र नियन्त्रणका लागि गरिरहेका कामहरु उपयुक्त रहेको बताउँदै यसको प्रभावकारी कार्यान्वयनका लागि समन्वयकारी भूमिका खेल्न सुुझाव दिएको बताइएको छ।

‘उहाँहरुले न्यून आय भएका, दैनिक ज्यालादारी मजदुरका विषयमा गम्भीर हुन र स्वास्थ्य सामग्रीको अभाव हुन नदिन पनि सरकारलाई सुुझाव दिनुुभयो,’ सचिवालयले बताएको छ।

काननुनमन्त्री तुम्बाहाङफेलाई चैत्र २४ गते बसेको मन्त्रिपरिषद्को बैठकले संसदमा प्रतिनिधित्व गर्ने दलहरुसंग समन्वय गर्ने जिम्मेवारी दिएको छ।