युनिकोड
बेलायत भ्रमणमा रहेका नेपाली कांग्रेसका नेता डा शेखर कोइरालाले तत्कालीन नेपालको शान्ति प्रक्रियामा सहयोग गरेको तत्कालीन संयुक्त राष्ट्रसंघीय मिसन, अनमिनका नेपाल प्रमुख इयान मार्टिनसँग भेटघाट गरेका छन्।
लण्डनमामा भएको भेटघाटका क्रममा मार्टिनले नेपालको शान्ति प्रक्रिया अझै नटुंगिएकाले जतिसक्दो छिटो यसलाई टुंग्याउन सुझाव दिएका थिए। यस्ता कुरालाई लामो समयसम्म राख्न नहुने समेत उनको मत थियो।
तत्कालीन समयमा बिद्रोहमा रहेको दल समेत निर्वाचन प्रक्रियामा प्रवेस गरिसकेको र अहिले नेपालमा कुनै पनि हिंसा नरहेकोले संक्रमणकालीन न्यायलाई टुंग्याउनुपर्नेमा उनको जोड थियो।
तत्कालीन ७ राजनीतिक दल र युद्धरत नेकपा (माओवादी)ले सन् २००६ मा पत्र लेखेर शान्ति स्थापनार्थ सहयोग पुर्याउन अनमिनलाई नेपाल बोलाएका थिए।
विशेषगरी माओवादी लडाकु र उनीहरुको हतियार व्यवस्थापनका लागि स्थापना गरिएको शिविरको निगरानी अनमिनले गरेको थियो। तर, लडाकु व्यवस्थापनको प्रक्रिया पुरा नहुँदै सन् २०११ मा नेपालबाट अनमिन फिर्ता भएको थियो।
प्रतिक्रिया