प्रचण्डको प्रतिवेदनमा सुदनको फरक मत–राजनीतिक दस्तावेजमा योगाको विषय नराखौं

नेकपा माओवादी केन्द्रका केन्द्रीय सदस्य सुदन किरातीले पार्टीको राजनीतिक दस्तावेजमा योगाको विषय नराख्न सुझाव दिएका छन्।

माओवादी केन्द्रको केन्द्रीय समितिको जारी बैठकमा अध्यक्ष पुष्पकमल दाहाल ‘प्रचण्ड’ले प्रस्तुत गरेको प्रतिवेदनमाथि धारणा राख्दै उनले भने यो व्यक्तिगत रुचि र अतिरिक्त क्रियाकलापको विषय भएको भन्दै राख्न नहुने धारणा राखेका हुन्।

‘योगा शिविर संचालन गर्ने भन्ने प्रतिवेदनमा आयो। राजनीतिक दस्तावेजमा योगाको विषय नराखौं,’ उनले भने, ‘यो व्यक्तिगत रुचिको र अतिरिक्त क्रियाकलाप हो। राख्नुपरे फिजियो थेरापी, मर्निङवाक, मुन्धुमका धामी-झाँक्री (राई-लिम्बुको भाषामा विजुवा फेदाङमा भनिन्छ)को कुरा राखौं।’

किरातीले बरु ‘जाँडरक्सी नपिऊ, जुवातास नखेलौं’ भनेर राख्नुपर्नेमा जोड दिए।