युनिकोड
नेपाली सेनाको सहायक रथीमा दीपेन्द्र गुरुङ र सुनीलसिंह राठौर बढुवा हुने भएका छन्। महासेनानी गुरुङ र राठौरलाई सहायक रथीमा बढुवा गर्न सेनाले प्रक्रिया अगाडि बढाएको हो।
नेपाली सेनाको मुख्यालय जंगी अड्डाले उनीहरूलाई सहायक रथीमा बढुवा गर्न लागिएको भन्दै कुनै उजुरी भए ७ दिन भित्र दिन सूचना प्रकाशित गरिसकेको छ। यदि उजुरी नपरेमा दुवैजना सहायक रथीमा बढुवाका लागि सिफारिस हुनेछन्।
उजुरी परेमा त्यसउपर छानबिन गरेर मात्रै थप प्रक्रिया अगाडि बढाइनेछ। अब ७ दिनपछि बढुवा सिफारिस समितिले उनीहरूलाई बढुवाका लागि सिफारिस गर्नेछ।
त्यसपछि मन्त्रिपरिषदबाट बढुवाका लागि निर्णय हुनेछ। नेपाली सेनाका सहायक रथी प्रेमबहादुर पुन उपरथीमा बढुवा भएका र नकुल रायमाझी पनि बढुवाका लागि सिफारिस भएपछि सेनामा दुईजना सहायक रथीमा बढुवा गर्नुपरेको हो।
प्रतिक्रिया