युनिकोड
बिहीबार बिहान प्रधानमन्त्री पुष्पकमल दाहाल प्रचण्डको सरकारी निवास बालुवाटारमा बसेको सत्ता गठबन्धनको बैठक निष्कर्षविहीन भएको छ।
आजको बैठकमा मुलतः राष्ट्रियसभा निर्वाचनको विषयमा दलहरूबीच छलफल भएको कांग्रेसका प्रमुख सचेतक रमेश लेखकले जानकारी दिए।
उनका अनुसार यही विषयमा दलहरूबीच अझै छलफल जारी छ। ‘राष्ट्रियसभाको विषयमा छलफल भएको छ। त्यसमा थप छलफल बाँकी छ। अर्काे बैठक आज साँझ वा भोलि बिहान बस्नेगरी हामी उठेका छौँ,’ बैठकपछि लेखकले भने।
बैठकमा प्रमुख प्रतिपक्षी दल नेकपा एमालेसँग राष्ट्रियसभासँगै समसामयिक विषयमा पनि छलफल भइरहेको लेखकले बताए।
प्रतिक्रिया