नेपाली कांग्रेसका नेता शशांक कोइरालाले तत्काल पार्टी सभापति शेरबहादुर देउवालाई अपदस्त गर्न सकिने अवस्था नरहेको बताएका छन्।
सोमबार संसद् भवनभवनबाहिर सञ्चारकर्मीहरूसँग कुराकानी गर्दै कोइरालाले देउवालाई अपदस्त गर्न अर्को महाधिवेशनसम्म कुर्नुपर्ने बताए।
‘उहाँबाट काम धेरै भएन भनेर गगन थापा लगायतले बोल्दै छन्, त्यो पनि केही हदसम्म सत्य हो। तर हामीले अर्को महाधिवेशनसम्मका लागि पर्खनुपर्यो,’ उनले भने, छबिचैमा उहाँलाई अपदस्त गर्न सकिने अवस्था म चाहीँ देख्दिनँ।’
कोइरालाले बर्खा सकिएपछि अधिराज्य घुम्ने तयारी रहेको जानकारी दिए। देशभरका कार्यकर्ताको चाहना बुझ्न देशभरी जान लागेको उनले बताए।
‘जिम्मेवारी नभएको भए आरामले बस्न सकिन्थ्यो। म बर्खा सकिएपछि अधिराज्यभरी घुम्ने मेरो योजना छ। साथिहरुको चाहनाबारे बुझ्न सकिन्छ। अहिले पनि उहाँकै बहुमतको सरकार छ, उहाँलाई हटाउन त सकिँदैन,’ उनले भने।
भिडिओ:
Shares
प्रतिक्रिया