युनिकोड
पति एवम् पूर्वगृहमन्त्री बालकृष्ण खाँण नक्कली शरणार्थी प्रकरणमा वैशाख २७ गते पक्राउ परेपछि गायब नेपाली कांग्रेसकी सांसद मञ्जु खाँण ९ दिनपछि संसद् बैठकमा देखिएकी छन्।
कांग्रेस नेतृसमेत रहेकी उनी पति पक्राउ परेदेखि गायब भएकी थिइन्। तर उक्त प्रकरणमा प्रहरीले मुद्दा नचलाउने सूचना पाएसँगै उनी फेरि संसद् बैठकमा झुल्किएकी हुन्।
उक्त प्रकरणमा मञ्जुले साढे ६ करोड बुझेको दाबीसहितको बिचौलियाको अडिओ सार्वजनिक भएको थियो। त्यसमा अझै पनि छानबिन भइरहेको प्रहरीको भनाइ छ।
जिल्ला प्रहरी परिसर काठमाडौंको हिरासतमा राखिएका पति बालकृष्णलाई भेट्न समेत नपुगेकी उनी ९ दिनपछि संसदमा भने पुगिन्।
सम्पर्कविहीन भएकी मञ्जु खाँण संसदमा देखिइन्
अहिले राष्ट्रपति रामचन्द्र पौडेलले संसद्को संयुक्त बैठकमा सरकारको नीति तथा कार्यक्रम वाचन गरिरहेका छन्।
नेपाली कांग्रेसका केन्द्रीय सदस्यसमेत रहेका खाँण वैशाख २७ गते पक्राउ परेलगत्तै मञ्जु सम्पर्कविहीन थिइन्।
केही सञ्चारमाध्यमहरुले उनी भारतको बाटो हुँदै तेस्रो मुलुकमा लुक्न पुगेको दाबीसहितको समाचार लेखेका थिए।
तर मञ्जुसहित नक्कली शरणार्थी प्रकरणमा जोडिएका केही उच्च पदस्थविरुद्ध प्रहरीले मुद्दा नचलाउने गरी अनुसन्धान अघि बढाएको छ।
प्रतिक्रिया