५ वर्षमा गरेको भौतिक विकासले मतदाताको मन जितेको छु : प्रकाशमान सिंह

नेपाली कांग्रेसका नेता प्रकाशमान सिंहले गएको ५ वर्षमा आफूले मतदाताको मन जित्न सफल भएको दाबी गरेका छन्। काठमाडौं क्षेत्र नम्बर १ का उम्मेदवार समेत रहेका सिंहले आफ्नो नेतृत्वमा भएको भौतिक विकासले मतदाताको मन जितेको बताए।

मंगलबार चुनावी घरदैलो कार्यक्रममा उनले आफूलाई मतदाताले ३ पटकसम्म विश्वास गरेको तर सुरुको २ पटकको समय संविधान निर्माणको काममा व्यस्त हुन परेको उल्लेख गरे। संविधान निर्माण भइसकेपछि आफूले निर्वाचन क्षेत्रको हरेक विकासका गतिविधि अघि बढाएको ठोकुवा नेता सिंहले गरे।

उनले प्रत्येक टोलमा कुनै न कुनै प्रकारको विकासको योजना आफूले पुर्याएको दाबी गरे। सुकुम्बासी समस्या ब्यवस्थापनदेखि सामुदायिक विद्यालय सुधारका लागि पनि आफूले काम गरेको उनले बताए।