राजनीति


मोदीको क्षेत्रबाट एमालेका ढकाल सिफारिस हुँदा माओवादी नेता अछामीको बधाई

माओवादी नेता भन्छन् : कारबाहीका लागि सिफारिस गर्छौँ
मोदीको क्षेत्रबाट एमालेका ढकाल सिफारिस हुँदा माओवादी नेता अछामीको बधाई

नेपालखबर
भदौ २० , काठमाडौँ

मोरङ क्षेत्र नम्बर ४ बाट नेकपा माओवादी केन्द्रले वर्तमान सांसद अमनलाल मोदीलाई फेरि उम्मेदवारका रुपमा सिफारिस गर्ने निर्णय गर्‍यो।

यही क्षेत्रबाट प्रमुख प्रतिपक्षी नेकपा एमालेले नेता विनोद ढकाललाई प्रतिनिधिसभामा उठाउने सर्वसम्मत निर्णय गरेर जिल्लामा सिफारिस पठाएको छ।

यस्तोमा माओवादीकै एकजना पोलिटब्युरो सदस्य गोपी अछामीले एमाले नेता विनोद ढकाललाई बधाई तथा जितको शुभकामना दिएपछि विवाद भएको छ। 

पोलिट्ब्युरो सदस्य गोपी अछामीले एमाले उम्मेदवारका रुपमा अघि सारिएका ढकाललाई सघाएको भन्दै माओवादीको एउटा पंक्तिले आलोचना गरिरहेको छ।

स्मरणीय के छ भने नेकपा माओवादी केन्द्र नेपाली कांग्रेससँग मिलेर एमालेविरुद्ध मोर्चाबन्दीमा छ। तर २०७४ को प्रतिनिधिसभा निर्वाचनमा भने एमाले र माओवादीले कांग्रेसविरुद्ध गठबन्धन गरेका थिए। 

राष्ट्रियसभा सदस्यसमेत रहेका अछामीले मोरङ–४ बाट प्रतिनिधिसभा सदस्यमा उम्मेदवार सिफारिस ढकाललाई सहयोग पुग्ने गरी फेसबुक पोष्ट लेखेपछि दुईथरी कोणबाट विवाद भएको छ।

एकथरीले राजनीतिक नेतामा हुनुपर्ने चरित्र भनेका छन् भने अर्काथरीले माओवादी नेता भएर एमाले नेताको पक्षमा वकालत गरेको भन्दै विरोध गरेका छन्। 

ढकालसँग माओवादी केन्द्रका केन्द्रीय सदस्य एवम् हालका सांसद अमनलाल मोदी पनि सर्वसम्मत सिफारिस भएका छन्। 

ढकाललाई बधाई र जितको शुभकामना दिएका अछामीमाथि मोदीबारे मौन रहेको भन्दै विरोध भएको छ। एमालेलाई सघाउने गरी लेखिएको पोस्टलाई लिएर अछामीमाथि कारबाहीको आवाज पनि उठेको छ। 

अछामीले एमाले-माओवादी मिलेर बनेको नेकपा हुँदाका एक सहयात्रीलाई पार्टी फरक भए पनि उनको सफलतामा बेखुसी नहुने भनेका छन्। 

‘पार्टी फरक भए पनि तपाईंको सफलतामा म कहिल्यै बेखुस हुने छैन, हार्दिक बधाई छ कमरेड’, ढकालसँगैको तस्बिर राखेर अछामीले लेखेका छन्।

अछामीले ढकालबारे अर्को पनि पोष्ट पनि आएको छ। ‘नेकपा एमाले मोरङ क्षेत्र नम्बर–४ बाट प्रतिनिधिसभा उम्मेदवारमा सर्वसम्मत सिफारिस हुनुभएकोमा मित्र विनोद ढकालज्यूलाई हार्दिक बधाई तथा विजयको लागि शुभकामना!', उनले भनेका छन्। 

माओवादीको प्रदेश–१ का नेता ताजिम अन्सारीले विपक्षीको चुनाव प्रचार गरेकाले कारबाही गर्न पार्टीमा सिफारिस गरिने जवाफ दिएका छन्। 

भदौ २०, २०७९, साेमबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
पिनाकी राय
बिजनेश एड्भाइजर
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.