विवेकशील साझा पार्टीका पूर्वअध्यक्ष रवीन्द्र मिश्रले पूर्वराजा ज्ञानेन्द्र शाहका नाति हृदयेन्द्रलाई एकदिन राजाका रुपमा देख्न चाहेको बताएका छन्।
शनिबार सामाजिक सञ्जालमार्फत हृदयेन्द्रलाई २१औं जन्मदिनको शुभकाना दिँदै मिश्रले उनलाई राजा भएको देख्ने इच्छा व्यक्त गरेका हुन्।
हृदयेन्द्रलाई जन्मदिनको शुभकामना दिँदै मिश्रले फेसबुकमा लेखेका छन्, ‘म यहाँलाई एकदिन राजाका रूपमा देख्न चाहन्छु।’
२० वर्षको पत्रकारिता, ५ वर्षको राजनीति तथा अन्य अनुभव र अध्ययनले आफूलाई बदलिएको विश्व भूराजनीतिको भूमरी, लगभग पूर्णत: आर्थिक परनिरभरता, भ्रष्ट र कमजोर संस्था र आन्तरिक अवस्था तथा अन्य कतिपय कारणले यो देश ढिलोचाँडो नराम्रो संकटमा फस्छ फस्छ भन्ने निष्कर्षमा पुर्याएकाे उल्लेख गरेका छन्।
उनले अगाडि भनेका छन्, ‘त्यसैले संकटका बेला मात्र सदुपयो गर्ने उद्देश्यका साथ संसदले बाँधेर ‘खोपामा भए पनि’ राजसंस्था राखौँ।’
‘विचारभन्दा माथि देश’ दस्तावेज लेखेयता मिश्रले राजसंस्था पुनःस्थापनाका पक्षमा वकालत गरिरहेका छन्।
हेर्नुहाेस् मिश्रकाे स्टाटस
Shares
प्रतिक्रिया