युनिकोड
लण्डनमा आत्महत्या गरेका र्यापर अनिल अधिकारी (यमबुद्ध)का अभिभावकसँग काठमाडौं महानगरपालिकाका मेयर बालेन्द्र शाहले भेट गरेका छन्।
शनिबार मेयर बालेन्द्रले भैसेपाटीस्थित निवासमै पुगेर यमबुद्धका बुबा आमासँग भेट गरेका हुन्।
काठमाडौं महानगरले आगामी आर्थिक वर्षको बजेटबाट यमबुद्धको सालिक बनाउनका लागि १५ लाख रुपैंया बजेट छुट्याएको छुट्याएको खबर सार्वजनिक भएपछि सामाजिक सञ्जालमा विरोध भएको थियो।
विरोधपछि शनिबार बालेन्द्रले यमबुद्धका अभिभावसँग भेट गरेका हुन्।
अभिभावकसँगको भेटमा बालेन्द्रले आफ्नै तलवबाट भए पनि यमबुद्धको सालिक बनाउने बताएका छन्।
महानगरको बजेटमा बालेन्द्रले आफू निकटकाको सालिक बनाउन लागेको भन्दै आलोचना सुरु भएको थियो।
र्याप गीत गाउँदा ‘यमबुद्ध’ भनेर चिनिने अनिल अधिकारीले ०७३ सालमा आत्महत्या गरेका थिए।
प्रतिक्रिया