युनिकोड
गण्डकीका भूमि व्यवस्था, कृषि तथा सहकारीमन्त्री चन्द्रबहादुर बुढाले आफ्नो घर जग्गा नभएको बताएका छन्।
मन्त्री बुढाले गएको भदौ २१ गते मुख्यमन्त्री कार्यालयमा बुझाएको सम्पत्ति विवरणमा न जग्गा न घर नै उल्लेख गरिएको छ।
माओवादी केन्द्रबाट सांसद र मन्त्री बनेका चन्द्रबहादुरको पुर्ख्यौली घर बागलुङको ताराखोला–५,नाङी हो।
सम्पत्ति विवरण अनुसार नाङीमा संगोलमा रहेको तथा पिता धनप्रसाद बुढाको नाममा रहेको घर र सो घरले चर्चेको जग्गा तथा सोही ठाउँमा रहेको जनएकता सहकारी संस्थामा १० हजार बचतबाहेक उनीसँग थप सम्पत्ति छैन।
एभरेष्ट बैंकमा खाता भएपनि उनले खातामा कति पैसा छ भन्ने खुलाएका छैनन्। सम्पत्ति विवरणमा उनले लिनु र दिनु दुवै नभएको जिकिर गरेका छन्।
सादगी जीवन जिउने चन्द्रबहादुर मन्त्री हुनुभन्दा अघि पोखरामा भाडामै बस्दै आएका थिए।
प्रतिक्रिया